Sundarakandam by Sri Madaanandateerthabhagavadpadaacharya

                                                                ಅಥ ಸುಂದರಕಾಂಡಮ್                               HOME

ರಾಮಾಯ ಶಾಶ್ವತಸುವಿಸ್ತ್ರುತಷಡ್ಗುಣಾಯ
ಸರ್ವೇಶ್ವರಾಯ ಬಲವೀರ್ಯಮಹಾರ್ಣವಾಯ
ನತ್ವಾ ಲಿಲಂಘಯಿಷುರರ್ಣವಮುತ್ಪಪಾತ

ನಿಷ್ಪೀಡ್ಯ ತo ಗಿರಿವರಂ ಪವನಸ್ಯ ಸೂನುಃ

ಚುಕ್ಶೋಭ ವಾರಿಧಿರನುಪ್ರಯಯೌ ಚ    ಶೀಘ್ರಂ 
ಯಾದೋಗಣೈಃ  ಸಹ ತದೀಯಬಲಾಭಿಕೃಷ್ಟಃ  
ವೃಕ್ಷಾಶ್ಚ ಪರ್ವತಗತಾಃ ಪವನೇನ ಪೂರ್ವಂ 
ಕ್ಷಿಪ್ತೊರ್ಣವೇ ಗಿರಿರುದಾಗಮದಸ್ಯ ಹೇತೊಃ 

ಶ್ಯಾಲೋ ಹರಸ್ಯ ಗಿರಿಪಕ್ಷವಿನಾಶಕಾಲೇ 
ಕ್ಷಿಪ್ತೋರ್ಣವೇ ಸ ಮರುತೊರ್ವರಿತಾತ್ಮಪಕ್ಷಃ 
ಹೈಮೋ ಗಿರಿಃ ಪವನಜಸ್ಯ ತು ವಿಶ್ರಮಾರ್ಥ 
ಮುದ್ಭಿದ್ಯ ವಾರಿಧಿಮವರ್ಧದನೆಕಸಾನುಃ 

ನೈವಾತ್ರ ವಿಶ್ರಮನಮೈಚ್ಛದವಿಶ್ರಮೊಸೌ 
ನಿಸ್ಸೀಮಪುರುಷಬಲಸ್ಯ ಶುತಃ ಶ್ರಮೋsಸ್ಯ 
ಆಶ್ಲಿಷ್ಯ ಪರ್ವತವರಂ ಸ ದದರ್ಶ ಗಚ್ಛನ್ 
ದೇವೈಸ್ತು ನಾಗಜನನೀo ಪ್ರಹಿತಾo ವರೇಣ 

ಜಿಜ್ಞಾಸುಭಿರ್ನಿಜಬಲo ತವ ಭಕ್ಷಮೇತು 
ಯದ್ಯತ್ತ್ವಮಿಚ್ಛಸಿ ತದಿತ್ಯಮರೋದಿತಾಯಾಃ 
ಆಸ್ಯo ಪ್ರವಿಶ್ಯ ಸಪದಿ ಪ್ರವಿನಿಃಸೃತೋsಸ್ಮಾತ್ 
ದೇವಾನನಂದಯದುತ ಸ್ವೃತಮೇಷು ರಕ್ಷನ್ 

ದೃಷ್ಟ್ವಾ ಸುರಪ್ರಣಯಿತಾo ಬಳಮಸ್ಯ ಚೋಗ್ರo 
ದೇವಾಃ ಪ್ರತುಷ್ಟುವುರಮುo ಸುಮನೋಭಿವೃಷ್ಟ್ಯಾ 
ತೈರಾದೃತಃ ಪುನರಸೌ ವಿಯತೈವ ಗಚ್ಛನ್ 
ಛಾಯಾಗ್ರಹo ಪ್ರತಿದದರರ್ಶ  ಚ ಸಿoಹಿಕಾಖ್ಯಮ್ 

ಲಂಕವನಾಯ ಸಕಲಸ್ಯ ಚ ನಿಗ್ರಹೇ ಸ್ಯಾಃ 
ಸಾಮರ್ಥ್ಯಮಪ್ರತಿಹತo ಪ್ರದದೌ ವಿಧಾತಾ 
ಛಾಯಾಮವಾಕ್ಷಿಪದಸೌ ಪವನಾತ್ಮಜಸ್ಯ  
ಸೋsಸ್ಮಾಃ ಶರೀರಿಮನುವಿಶ್ಯ ಬಿಭೇದ ಚಾಶು 

ನಿಃಸೀಮಮಾತ್ಮಬಳಮಿತ್ಯನುದರ್ಶಯಾನೋ 
ಹತ್ವೈವ ತಾಮಪಿ ವಿಧಾತೃವರಾಭಿಗುಪ್ತಾಮ್ 
ಲಂಬೇ ಸ ಲಂಬಶಿಖರೇ ನಿಪಪಾತ ಲಂಕಾ 
ಪ್ರಾಕಾರರೂಪಕಗಿರಾವಥ ಸಂಚುಕೋಚ 

ಭೂತ್ವಾ ಬಿಡಾಲಸಮಿತೋ ನಿಶಿ ತಾo ಪುರೀಂ ಚ 
ಪ್ರಾಪ್ಸ್ಯನ್ ದದರ್ಶ ನಿಜರೂಪವತೀಂ ಸ ಲಂಕಾಮ್ 
ರುದ್ದೋsನಯಾಶ್ವಥ ವಿಜಿತ್ಯ ಚ ತಾo ಸ್ವಮುಷ್ಟಿ 
ಪಿಷ್ಟಾo ತಯಾsನುಮತ ಏವ ವಿವೇಶ ಲಂಕಾಮ್ 

ಮಾರ್ಗಮಾಣೋ ಬಹಿಶ್ವಾoತಃ ಸೋsಶೋಕವನಿಕಾತಲೇ 
ದದರ್ಶ ಶಿoಶುಪಾವೃಕ್ಷಮೂಲಸ್ಥಿತರಮಾಕೃತಿಮ್ 

ನರಲೋಕವಿಡoಬಸ್ಯ ಜಾನನ್ ರಾಮಸ್ಯ ಹೃದ್ಗತಮ್ 
ತಸ್ಯ ಚೇಷ್ಟಾನುಸಾರೇಣ ಕೃತ್ವಾ ಚೇಷ್ಟಾಶ್ಚ ಸoವಿದಮ್  

ತಾದೃಕ್ಚೆಷ್ಟಾಸಮೇತಾಯಾ ಅಂಗುಲೀಯಮದಾತ್ತತಃ 
ಸೀತಾಯಾ ಯಾನಿ ಚೈವಾಸನ್ನಾಕೃತೇಸ್ತಾನಿ ಸರ್ವಶಃ 

ಭೂಷಣಾನಿ ದ್ವಿಧಾ ಭೂತ್ವಾ ತಾನ್ವೇ ವಾಸಸ್ತಥೈವ ಚ 
ಅಥ ಚೂದಾಮಣಿo ದಿವ್ಯಂ ದಾತುಂ ರಾಮಾಯ ಸಾ ದದೌ 

ಯದ್ಯಪ್ಯೇತನ್ನ ಪಶ್ಯoತಿಂ ನಿಶಾಚರ ಗಣಾಸ್ತು ತೇ 
ದ್ಯುಲೋಕಚಾರಿಣಃ ಸರ್ವೇ ಪಶ್ಯನ್ತ್ಯೃ ಷಯ ಏ ವಚ 

ತೇಷಾಂ ವಿಡಂಬನಾಯೈವ ದೈತ್ಯಾನಾಂ ವoಚನಾಯ ಚ 
ಪಶ್ಯತಾಂ ಕಲಿಮುಖ್ಯಾನಾಂ ವಿಡಂಬೊsಯಂ ಕೃತೋಭವೇತ್ 

ಕೃತ್ವಾ ಕಾರ್ಯಮಿದಂ ಸರ್ವಂ ವಿಶಂಕಃ ಪವನಾತ್ಮಜಃ 
ಅತ್ಮಾವಿಷ್ಕರಣೇ ಚಿತ್ತಂ ಚಕ್ರೇ ಮತಿಮತಾಂ ವರಃ 

ಅಥ ವನಮಖಿಲಂ ತದ್ರಾವಣಸ್ಯಾವಲುಂಪ್ಯ 
ಕ್ಷಿತಿರುಹಮಿಮೇಕಂ ವರ್ಜಯಿತ್ವಾssಶು ವೀರಃ 
ರಜನಿಚರವಿನಾಶo ಕಾoಕ್ಷಮಾಣೋsತಿವೇಲಂ 
ಮುಹುರತಿರವನಾದೀ ತೋರಣಂ ಚಾರುರೋಹ 

ಅಥಾಶೃಣೋದ್ದಶಾನನಃ ಕಪೀಂದ್ರಚೇಷ್ಟಿತo ಪರಮ್ 
ದಿದೇಶ ಕಿಂಕರಾನ್ ಬಹೂನ್ ಕಪಿರ್ನಿಗೃಹ್ಯತಾಮಿತಿ 

ಸಮಸ್ತಶೊ ವಿಮೃತ್ಯವೋ ವರಾದ್ಧರಸ್ಯ ಕಿಂಕರಾಃ 
ಸಮಾಸದನ್ ಮಹಾಬಲಂ ಸುರಾoತರಾತ್ಮನೋsoಗಜಮ್ 

ಆಶೀತಿಕೋಟಿಯೂಥಪಂ ಪುರಸ್ಸರಾಷ್ಟಕಾಯುತಮ್ 
ಅನೇಕಹೇತಿಸಂಕುಲಂ ಕಪೀಂದ್ರಮಾವೃಣೋದ್ಬಲಮ್    

ಸಮಾವೃತಸ್ತಥಾಯುಧೈಃ ಸ ತಾಡಿತೈಶ್ಚ ತೈರ್ಭೃಶಮ್ 
ಚಕಾರ ತಾನ್ ಸಮಸ್ತಶಸ್ತಲಪ್ರಹಾರಚೂರ್ಣಿತಾನ್ 

ಪುನಶ್ಚ ಮಂತ್ರಿ ಪುತ್ರಕಾನ್ ಸ ರಾವಣಪ್ರಚೊದಿತಾನ್ 
ಮಾಮರದ ಸಪ್ತಪರ್ವತಪ್ರಭಾನ್ ವರಾಭಿರಕ್ಷಿತಾನ್ 

ಬಲಾಗ್ರಗಾಮಿನಸ್ತಥಾ ಸ ಶರ್ವವಾಕ್ಸುಗರ್ವಿತಾನ್ 
ನಿಹತ್ಯ ಸರ್ವರಕ್ಷಸಾಂ ತ್ರುತೀಯಭಾಗಮಕ್ಷಿಣೋತ್ 

ಅನೌಪಮo ಹರೇರ್ಬಲo ನಿಶಮ್ಯ ರಾಕ್ಷಸಾಧಿಪಃ
ಕುಮಾರಮಕ್ಷಮಾತ್ಮನಃ ಸಮo ಸುತಂ ನ್ಯಯೋಜಯತ್ 

ಸ ಸರ್ವಲೋಕಸಾಕ್ಷಿಣಃ ಸುತಂ ಶರೈರ್ವವರ್ಷ ಹ 
ಶಿತೈರ್ವರಾಸ್ತ್ರಮಂತ್ರಿತೈರ್ನ ಚೈನಮಭ್ಯಚಾಲಯತ್ 

ಸ ಮಂಡಮಧ್ಯಗಾಸುತಂ ಸಮೇಕ್ಷ್ಯ ರಾವಣೋಪಮಮ್ 
ತೃತೀಯ ಏಷ ಚಾoಶಕೋ ಬಲಸ್ಯ ಹೀತ್ಯಚಿಂತಯತ್ 

ನಿಧಾರ್ಯ ಏವ ರಾವಣಃ ಸ ರಾಘವಾಯ ನಾನ್ಯಥಾ 
ಯದೀಂದ್ರಜಿನ್ಮಯಾ ಹತೋ ನ ಚಾಸ್ಯ ಶಕ್ತಿರೀಕ್ಷ್ಯತೇ  

ಆತಸ್ತಯೋಃ ಸಮೋ ಮಯಾ ತೃತೀಯ ಏಷ ಹನ್ಯತೇ 
ವಿಚಾರ್ಯ ಚೈವಮಾಶು ತಂ ಪದೊಃ ಪ್ರಗೃಹ್ಯ ಪುಪ್ಲವೇ 

ಸ ಚಕ್ರವದ್ಭ್ರಮಾತುರಂ ವಿಧಾಯ ರಾವಣಾತ್ಮಜಮ್ 
ಅಪೋಥಯದ್ಧರಾತಲೇ ಕ್ಷಣೇನ ಮಾರುತೀತನುಃ 

ವಿಚೂರ್ಣಿತೇ ಧರಾತಲೇ ನಿಜೇ ಸುತೇ ಸ ರಾವಣಃ 
ನಿಶಮ್ಯ ಶೋಕತಾಪಿತಸ್ತದಗ್ರಜಂ ಸಮಾದಿಶತ್ 

ಅಥೆಂದ್ರಜಿನ್ಮಹಾಶರೈರ್ವರಾಸ್ತ್ರಸಂಪ್ರಯೋಜಿತೈಃ 
ತತಕ್ಷ ವಾನರೋತ್ತಮಂ ನ ಚಾಶಕದ್ವಿಚಾಲನೇ 

ಅಥಾಸ್ತ್ರಮುತ್ತಮಂ ವಿಧೇರ್ಯುಯೋಜ ಸರ್ವದುಃಸಹಮ್ 
ಸ ತೇನ ತಾಡಿತೋ ಹರಿರ್ವ್ಯಚಿಂತಯನ್ನಿರಾಕುಲಃ 

ಮಯಾ ವರಾ ವಿಲಂಘಿತಾ ಹ್ಯನೆಕಶಃ ಸ್ವಯoಭುವಃ  
ಸ ಮಾನನೀಯ ಏವ ಮೇ ತತೋsತ್ರ ಮಾನಯಾಮ್ಯಹಮ್ 

ಇಮೇ ಚ ಕುರ್ಯುರತ್ರ ಕಿo ಪ್ರಹೃಷ್ಟರಕ್ಷಸಾಂ ಗಣಾಃ 
ಇತೀಹ ಲಕ್ಷಮೇವ ಮೇ ಸರಾವಣಶ್ಚ ದೃಶ್ಯತೇ 

ಇದಂ ಸಮೀಕ್ಷ ಬದ್ಧವತ್ ಸ್ಥಿತಂ ಕಪೀಂದ್ರ ಮಾಶುತೇ 
ಬಬಂಧುರನ್ಯಪಾಶಕೈರ್ಜಗಾಮ ಚಾಸ್ತ್ರಮಸ್ಯ ತತ್ 

ಅಥ ಪ್ರಗೃಹ್ಯ ತo ಕಪಿಂ ಸಮೀಪಮಾನಯಂಶ್ಚ ತೇ 
ನಿಶಾಚರೇಶ್ವರಸ್ಯ ತo ಸ ಪೃಶ್ತವಾoಶ್ಚ ರಾವಣಃ 

ಕಪೇ ಕುತೋಸಿ ಕಸ್ಯ ವಾ ಕಿಮರ್ತಹಮೀದೃಶಂ ಕೃತಮ್ 
ಇತೀರಿತಃ ಸ ಚಾವದತ್ ಪ್ರಣಮ್ಯ ರಾಮಮೀಶ್ವರಮ್ 

ಅವೈಹಿ ದೂತಮಾಗತo ದುರಂತವಿಕ್ರಮಸ್ಯ ಮಾಮ್ 
ರಘೋತ್ತಮಸ್ಯ ಮಾರುತಿಂ ಕುಲಕ್ಷಯೆ ತವೇಶ್ವರಮ್ 

ನ ಚೇತ್ ಪ್ರದಾಸ್ಯಸಿ ತ್ವರನ್ ರಘೋತ್ತಮಪ್ರಿಯಾಂ ತದಾ 
ಸಪುತ್ರಮಿತ್ರಬಾoಧವೋ ವಿನಾಶಮಾಶು ಯಾಸ್ಯಸಿ 

ನ ರಾಮಬಾಣಧಾರಣೇ ಕ್ಷಮಾಃ ಸುರೇಶ್ವರಾ ಅಪಿ 
ವಿರಿಂಚಿಶರ್ವಪೂರ್ವಕಾಃ ಕಿಮು ತ್ವಮಲ್ಪಸಾರಕಃ 

ಪ್ರಕೊಪಿತಸ್ಯ ತಸ್ಯ ಕಃ ಪುರಃ ಸ್ಥಿತೌ ಕ್ಷಮೋ ಭವೇತ್ 
ಸುರಾಸುರೋರಗಾದಿಕೇ ಜಗತ್ಯಚಿಂತ್ಯಕರ್ಮಣಃ 

ಇತೀರಿತೇ ವಧೋದ್ಯತಂ ನ್ಯವಾರಯದ್ವಿಭೀಷಣಃ 
ಸ ಪುಚ್ಚದಾಹಕರ್ಮಣಿ ನ್ಯಯೊಜಯನ್ನಿಶಾಚರಾನ್ 

ಅಥಾಸ್ಯ ವಸ್ತ್ರಸಂಚಯೈಃ ಪಿಧಾಯ ಪುಚ್ಚಮಗ್ನಯೇ 
ದದುರ್ದದಾಹ ನಾಸ್ಯ ತನ್ಮರುತ್ಸಖೋ ಹುತಾಶನಃ

ಮಮರ್ಷ ಸರ್ವಚೇಷ್ಟಿತಂ ಸ ರಕ್ಷಸಾಂ ನಿರಾಮಯಃ 
ಬಲೊದ್ಧತಶ್ಚ ಕೌತುಕಾತ್ ಪ್ರದಗ್ಧುಮೇವ ತಾಂ ಪುರೀಮ್ 

ದದಾಹ ಚಾಖಿಲಂ ಪುರೀಂ ಸ್ವಪುಚ್ಚಗೆeನ ವಹ್ನಿನಾ 
ಕೃತಿಸ್ತು ವಿಶ್ವಕರ್ಮಣೋsಪ್ಯದಹ್ಯತಾಸ್ಯ ತೇಜಸಾ 

ಸುವರ್ಣರತ್ನಕಾರಿತಾo ಸ ರಾಕ್ಷಸೋತ್ತಮೈಃ ಸಹ 
ಪ್ರದಹ್ಯ ಸರ್ವತಃ ಪುರೀಂ ಮುದಾನ್ವಿತೋ ಜಗರ್ಜ ಚ 

ಸ ರಾವಣಂ ಸಪುತ್ರಕಂ ತೃಣೋಪಮಂ ವಿಧಾಯ ಚ 
ತಯೊಃ ಪ್ರಪಷ್ಯತೋಃ ಪುರೀಂ ವಿಧಾಯ ಭಸ್ಮಸಾದ್ಯಯೌ 

ವಿಲಂಘ್ಯ ಚಾರ್ಣವಂ ಪುನಃ ಸ್ವಜಾತಿಭಿಃ ಪ್ರಪೂಜಿತಃ 
ಪ್ರಭಾಕ್ಷ್ಯ ವಾನರೇಶಿತುರ್ಮಧು ಪ್ರಭುಂ ಸಮೇಯಿವಾನ್ 

ರಾಮಂ ಸುರೇಶ್ವರಮಗಣ್ಯಗುಣಾಭಿರಾಮಂ 
ಸಂಪ್ರಾಪ್ಯ ಸರ್ವಕಪಿವೀರವರೈಃ ಸಮೇತಃ 
ಚೂಡಾಮಣಿo ಪವನಜಃ ಪದಯೋರ್ನಿಧಾಯ 
ಸರ್ವಾಂಗಕೈಃ ಪ್ರಣತಿಮಸ್ಯ ಚಕಾರ ಭಕ್ತ್ಯಾ 

ರಾಮೊsಪಿ ನಾನ್ಯದನುದಾತುಮಮುಷ್ಯ ಯೋಗ್ಯ 
ಮತ್ಯಂತಭಕ್ತಿಭರಿತಸ್ಯ ವಿಲಕ್ಷ್ಯ ಕಿಂಚಿತ್ 
ಸ್ವಾತ್ಮಪ್ರದಾನಮಧಿಕಂ ಪವನಾತ್ಮಜಸ್ಯ 
ಕುರ್ವನ್ ಸಮಾಶ್ಲಿಷದಮುಂ ಪರಮಾಭಿತುಷ್ಟಃ 

                     ಇತಿ  ಶ್ರೀಮದಾನಂದತೀರ್ಥಭಗವತ್ಪಾದಾಚಾರ್ಯ ವಿರಚಿತೇ 
                     ಶ್ರೀಮನ್ಮಹಾಭಾರತತಾತ್ಪರ್ಯನಿರ್ಣಯೇ ಸಪ್ತಮೊsಧ್ಯಾಯಃ 

             ||जय हनुमान ||